小桃咖啡室 (已結業)

喺銅鑼灣有唔少食肆選擇，不過要搵個地方可以舒舒服服、靜靜哋、慢慢哋咁傾吓計就認真唔容易。今次同行朋友就搵咗呢間小桃咖啡室，食完之後覺得唔錯就寫下此文分享。小桃咖啡室係樓上舖，地下有保安駐守兼要密碼進入，若非有熟人介紹，路人好難可以搵到。進店後，發現舖面唔算好大，有兩三張長枱，坐7-8人，另外張四人枱。我哋兩個人被安排到四人枱，梳化位坐落舒服自在，有家嘅感覺。望出窗外係銅鑼灣繁華嘅街道、高聳入雲嘅摩天大樓，以及七彩繽紛嘅時尚廣告；窗內有懷舊、充滿玩味嘅陳設佈置。以小型咖啡室嚟講，呢度嘅菜單選擇還算豐富。不過我哋見個二人套餐食物ok，價錢又比散叫更抵，就好懶咁叫咗二人套餐。先嚟係餐湯同個蒜包。水準算中上，個包脆得嚟唔會整到焦黑哂，個湯唔會太酸，又唔會好淡，味道恰到好處。再嚟就係朋友最愛嘅蜜汁雞翼。肉質嫩滑嘅雞翼被香甜蜜糖烤香的，不太油膩，擺放亦顯心思。喺等餐途中，突然有個侍應走埋嚟搭訕。原來唔係搭訕咁簡單，係同我哋介紹一個兩個人都可以玩到嘅卡牌遊戲---嗒寶。即時令我感受到呢間小桃咖啡室服務以客人為本的貼心。我哋就咁一路玩牌，一路飲嘢，一路等食物嚟……不知不覺，卡邦尼意粉上菜了。意粉質感軟