你當我是羊渣吧

營業中

休息中

好搞笑，老闆行咗張枱俾我喺橫街到嘆麵， 我叫咗一碗「羊渣麵」加咗隻煎鴨蛋， 同埋一隻巨大餃子。 可以揀麵底，我揀咗上海麵～🙂我想羊渣脆啲，所以我就要求羊渣同羊肉分開，唔好浸湯上。 啲羊渣真係好脆口， 撈麵食好正，羊肉份量都多， 煎鴨蛋都幾特別，因為出面好少地方有得食， 我個人好鍾意食鴨蛋因為蛋味好濃， 而且營養價值高，同埋超大隻！巨大餃子佢只可以炸， 所以我就冇叫太多，叫咗一隻試下，炸得好脆，唔會成口油～ 仲有一定要 點佢哋嘅南乳醬💯💯💯最正係個格調🤣 而且舖頭係會播廣東歌， 一邊聽歌，一邊睇住啲人行嚟行去，一邊食住麵，好似去咗旅行咁！