影片
更多
2010-12-31
41 瀏覽
食評一拖再拖，拖得耐始終都要寫，仲要可能有D已經唔太記得..... 是日為朋友慶祝生日，要搵一個免開瓶費既地方，呢個係好重要的 XD。原本搵左上環另一間，但打去已經full booking，最後呢度有位，所以就訂左呢度啦。呢度唔止免corkage，仲連切餅費都免添，超好~~~ 是日準時黎度又再意外包場，全晚竟然得我地一檯客人，果然係super monday~ 由於全晚得我地，環境當然寬闊又唔迫，我地可以嘈d又唔驚嘈親其他人，服務仲超好，因為淨係需要serve我地......set dinner 已經set好哂，基本上只能在menu內選擇，無得散叫其他食物的~ 4 courses都係 $248，如果好食既真係好抵，而是晚食過都覺得食物唔錯喎~先講佢個蒜蓉包，真係好好好好食，哈哈，我食左 5 塊呀!!!! 因為佢係熱辣辣焗出黎，好香脆又勁香蒜蓉味.... 雖然好熱氣但我都忍唔住一食再食~~~前菜我就要左鵝肝沙律，價錢咁平鵝肝當然唔會太大，但面底都煎得有點點脆脆的，真的外脆內軟~ 吃落有油香又不會覺得太膩，伴碟的蘋果和酸酸的沙律可以中和鵝肝的油膩，幾好食的~ 朋友們選擇了三文魚帶子沙律亦說材
食評一拖再拖，拖得耐始終都要寫，仲要可能有D已經唔太記得..... 是日為朋友慶祝生日，要搵一個免開瓶費既地方，呢個係好重要的 XD。原本搵左上環另一間，但打去已經full booking，最後呢度有位，所以就訂左呢度啦。
呢度唔止免corkage，仲連切餅費都免添，超好~~~ 是日準時黎度又再意外包場，全晚竟然得我地一檯客人，果然係super monday~ 由於全晚得我地，環境當然寬闊又唔迫，我地可以嘈d又唔驚嘈親其他人，服務仲超好，因為淨係需要serve我地......
set dinner 已經set好哂，基本上只能在menu內選擇，無得散叫其他食物的~ 4 courses都係 $248，如果好食既真係好抵，而是晚食過都覺得食物唔錯喎~
先講佢個蒜蓉包，真係好好好好食，哈哈，我食左 5 塊呀!!!! 因為佢係熱辣辣焗出黎，好香脆又勁香蒜蓉味.... 雖然好熱氣但我都忍唔住一食再食~~~
前菜我就要左鵝肝沙律，價錢咁平鵝肝當然唔會太大，但面底都煎得有點點脆脆的，真的外脆內軟~ 吃落有油香又不會覺得太膩，伴碟的蘋果和酸酸的沙律可以中和鵝肝的油膩，幾好食的~ 朋友們選擇了三文魚帶子沙律亦說材料新鮮，吃得滿意的~~
餐湯我選了白松露忌廉湯，這個真的很好喝... 不過大家喝畢這個也飽了一大半.... 湯質地非常濃稠，而且好香truffle味~~ 真的好喝... 但搞到大家都唔太食得落main course~!!
主菜我要左燴羊膝，羊膝肉質食落好軟腍，羶味有少少但不夠香，不過我是晚胃口勁好所有野都俾我食哂!! 哈哈~ 我好鍾意佢側邊D薯蓉，好香薯仔味好正~ 朋友其他主菜我都唔知好唔好食，不過佢地無咩投訴而且好多都食哂應該無咩大問題~ 唯一條龍脷好鬼多骨，哈哈，食個個有D辛苦。
呢度會係適當時候送上蛋糕，又免切餅費真係好正~~ 佢會將我地個蛋糕同dessert擺埋一齊俾我地，dessert 係 creme brulee，蛋香幾重又夠滑，而且好在佢唔會太大個，因為大家都真係好飽啦~~
是晚吃得非常滿足，每樣都幾好食幾滿意，重點都係個句... 佢corkage切餅乜都免，下次再有需要一定會再黎~~~ 希望朋友生日快樂，吃得開心啦~~
2010年最後一日都寫左呢篇食評作結，希望新一年大家繼續食得開心啦~~~
張貼
