手作之店

營業中

休息中

食飽飽之後，飯後甜品是常識，人哋話女仔食甜品有第二個胃，但肥仔肯定唔止兩個xd 今次我路過呢間手作之店，二話不說揼低20雞 買咗個雙球加加大，竟然仲有五毫子找續，我只可以話平到開巷。手作之店唔係咩名牌雪糕 但勝在價錢平，選擇多，絕對係性價比之選。今次我點咗豆腐味同曲奇味。豆腐味有啲似豆漿味雪糕，食落感覺好健康好清新。曲奇控嘅我自然對曲奇味雪糕有一定要求，老實講呢度嘅曲奇味雪糕忌廉唔夠濃厚，曲奇味亦都唔出 食落好普通，似便利店賣嘅 質素。但咁嘅價錢可以買到加加大雙球，絕對係超值。