稻香 (德福廣場2期)

營業中

休息中

聽聞稻香有震撼三重享的優惠， 一蚊一隻乳鴿，168伩隻澳洲龍蝦同埋28伩鮑魚海中寶， 急不及待一家人出去試下。去了九龍灣德福稻香，這裏好大， 覆蓋全層。由於限制令的問題，分兩張枱坐。叫了兩份龍蝦及每人一隻乳鴿。 鮑魚海中寶售罄， 下次想食要趁早。澳洲龍蝦拼上湯伊麵澳洲龍蝦超大隻，肉好厚，啖啖肉，醬汁唔會太濃唔會蓋過龍蝦鮮味， 雖然做特價，龍蝦肉新鮮。王子乳鴿只係一蚊隻咋一蚊隻咋， 賣相都幾得意，好似畀個雀籠罩住咁。 乳鴿嚟講唔算細隻，啱啱新鮮即炸， 熱辣辣， 肉質鮮嫩有肉汁。總括嚟講雖然係特價，但係質素好性價比高，怪不得咁多人聞風而至，要食就要 趁早去了。