Goobne Chicken (M88) (已結業)

一見到Goobne新推出呢個UFO 芝士火鍋烤雞盤，我就超級超級超級想食😂😂😂😂唔知邊個咁genius諗到將烤雞+芝士火鍋crossover💕book枱後我仲為此興奮左幾日幾夜😂😂😂. 我揀左中環分店，放工即去，又大又舒服，時值6點正，還未有放工人潮。另外店員當中還有幾個oppa呢。-UFO Fondue可以從6種口味中選2種口味，真係樣樣都想揀，好難選擇😂在果味醬油蒜香烤雞、經典的甜辣烤雞、蜜糖烤雞中掙扎良久 。UFO上枱，震憾眼球！！中間的芝士還未溶，有馬蘇里拉芝士、車打芝士、Grana Padano芝士，開火後睇住佢慢慢溶，店員還會幫忙攪拌，超級拉絲！！！伴在周邊的雞鎚，每4隻雞鎚口味相間的擺放，每件不會太巨型，所以每人吃8隻也不過份。烤雞感覺比烤雞健康，但香口依然，而且入味嫩滑，點埋芝士食，哇哈哈哈哈哈，好開心😂😂為左均衡飲食，我和朋友加點了一客沙律，以靚木盤盛載，我喜歡店家把醬汁另上的做法，可以讓客人自己控制醬料分量。最後飲多杯野，同朋友慢慢傾計。呢度座位間隔合理，空間都幾寬敞，坐得好舒服！而且店員都很友善。