串點 (已結業)

好特別呢一間串燒居酒屋，唔係普通居酒屋，係好似露營咁設計嘅，餐廳裏邊有露營嘅桌椅，好適合三五知己一齊過去，飲吓嘢，食下串燒。龍蝦沙律紫菜$48紫菜脆卜卜，龍蝦沙律甜甜地好入味，配埋紫菜食一流。雞皮餃子伴柚子醋$38呢款餃子好特別，係用雞皮包住，然之後去炸，外脆內嫩，個皮仲有煙煙銀銀嘅口感，非常唔錯，點埋柚子醋更加嘢味。芝士豬肝醬多士$28特別的菜式，第一次試到，芝士豬肝醬，味道創新。脆骨雞肉丸子、雞軟骨、雞肉串$22/1串呢度嘅重頭戲當然係串燒，好多款式好難揀，於是乎揀咗雞嘅系列，丸子甜甜地，雞軟骨脆卜卜，仲有嫩滑嘅雞肉串，好滿足呀！辣味炸雞$38炸雞有少少辣，但係味道都唔錯。Ps.有配埋月見汁，可以點串燒食，難得一見。總括而言唔錯，環境好特別，以露營為主題，同知己朋友過嚟一路食一路談心嘅好地方，而且食物製作用心，好有feel嘅地方。