影片
更多
2018-06-20
487 瀏覽
今日一早5點45分老早就去菲臘牙科排隊睇牙，睇完牙已經11點。肚已經餓到打晒鼓，又眼訓又攰，淨係想快D坐低食野。一路行一路就Search下附近有咩好食，好多鋪頭都未開。甘岩就見到依間新派車仔麵檔，個名又好型「高街麵霸﹞，就決定入去睇下佢有幾霸氣。入到果時仲未正式開檔，就膽粗粗問問老闆可唔可以收留下我地。老闆好好人甘收留左我地，又叫我地睇住想食咩先，仲提早幫我地落埋單。雖然老闆好好人，但老實說話都係要講…我地一行二人就叫左三樣野食：小編又貪心又餓又唔想用腦既情況下，當然來番碗 “八寶麵霸(轉刀削麵) )($68+5) ”究竟依八寶有邊八寶呢？八寶就有(次序按小編喜好而定)：(1)滷水豬頸肉、(2)溏心蛋、(3)滷水雞翼、(4)咖哩魚蛋、(5)酸齋、(6)豬紅、(7)蘿蔔、(8)海膽包心丸講一講最好果兩樣，一陣又講講最差果兩樣啦！第(1)名：滷水豬頸肉係我覺得成碗入面最出色果樣餸，滷左甘耐既豬頸肉仲保留到佢果種脆度，同埋個滷汁甜度咸度都剛剛好。仲比左厚厚兩塊我！第(2)名：溏心蛋都算做到溏心既效果，但甜度同軟度都唔及拉麵果粒甘鬼正啦，但就多左一點香港味。第(7)名：成日食車仔麵都會叫蘿蔔
甘岩就見到依間新派車仔麵檔，個名又好型「高街麵霸﹞，就決定入去睇下佢有幾霸氣。
入到果時仲未正式開檔，就膽粗粗問問老闆可唔可以收留下我地。
老闆好好人甘收留左我地，又叫我地睇住想食咩先，仲提早幫我地落埋單。
雖然老闆好好人，但老實說話都係要講…
我地一行二人就叫左三樣野食：
八寶麵霸
$73
46 瀏覽
0 讚好
0 留言
小編又貪心又餓又唔想用腦既情況下，當然來番碗 “八寶麵霸(轉刀削麵) )($68+5) ”
究竟依八寶有邊八寶呢？
八寶就有(次序按小編喜好而定)：(1)滷水豬頸肉、(2)溏心蛋、(3)滷水雞翼、(4)咖哩魚蛋、(5)酸齋、(6)豬紅、(7)蘿蔔、(8)海膽包心丸
講一講最好果兩樣，一陣又講講最差果兩樣啦！
第(1)名：滷水豬頸肉係我覺得成碗入面最出色果樣餸，滷左甘耐既豬頸肉仲保留到佢果種脆度，同埋個滷汁甜度咸度都剛剛好。仲比左厚厚兩塊我！
第(2)名：溏心蛋都算做到溏心既效果，但甜度同軟度都唔及拉麵果粒甘鬼正啦，但就多左一點香港味。
第(7)名：成日食車仔麵都會叫蘿蔔，因為蘿蔔滷得好食，簡直為碗麵，加分加分再加分。但係…鋪家粒蘿蔔，好似白灼甘，無味既…無味既…無味既…
第(8)名：依粒海膽包心丸，本應就唔應該難食。因為鋪家應該都係入貨姐，但…食落去涷既…〈你老…〉
湯底：食車仔麵餸多固之然好L重要啦，但湯底都係好重要，八寶麵霸個湯就應該係清湯+腩汁，我飲完我內心大叫：無味既…無味既…無味既…點解同粒蘿蔔一樣無味
麵底：再食埋D刀削麵，我對依碗麵真係好失望，麵身好冧，湯底又無味，搞到麵都無味。我都食之無味了…
而友人，佢就揀左 “秘制口水雞撈麵(轉刀削麵)($48+5)”
本身一睇到口水雞，就會即刻到譚子四川口味既口水雞。
咦？但鋪家送來果時竟然係白雪雪既雞翼，有少少辣椒係面，食落口就令我諗起元朗B仔涼粉既雞翼尖，但就偏酸同無甘惹味。
同埋鋪家用既刀削麵係偏軟身，唔太岩拿來撈，友人一路食一路呻…
小編試完一啖…都師傅明白了！
懷舊蛋花炒腸粉
$32
33 瀏覽
0 讚好
0 留言
依餐最滿意就係依個 “懷舊蛋花炒腸粉($32)”
腸粉經過快炒，老闆仲加入左蛋漿同蔥花去炒，食落口果時都幾香口，挽救番少少分數，但都不足以令我成為回頭客。
令小編唔會再走回頭路既原因，唔單止係鋪家既車仔麵無咩誠意，
好多菜式只係改名改得霸氣，但內裡空空寥寥
特別係蘿蔔同湯底〈好好好好重要既配料〉都無花心思〈無味既…無味既…無味既…無味既…無味既…〉
而且整個價錢來講都係偏貴，性價比好低，人頭計$70-80可以選擇更好…既午餐…更好既車仔麵。
高街麵霸…只有名字霸氣…D麵同餸一D都霸唔起…
張貼
