龍門客棧 (We Go Mall)

營業中

休息中

好耐冇食中菜啦，呢日同男朋友去咗馬鞍山呢間中餐廳食dinner，餐廳嘅環境都幾好，夠晒闊落。打開餐牌，見到佢有好多選擇，感覺好吸引。我哋一人點咗一個菜，分別係霸王辣子雞同埋黑醋松子桂魚。霸王辣子雞外層炸到好香脆，入面有嫩滑嘅雞肉，加埋好多辣椒，香香辣辣，好惹味。雖然落咗好多辣椒，但係呢款辣椒唔算超辣，好易入口，啱晒啲好似我咁唔算好食得辣嘅人。黑醋松子桂魚大大條，外層炸到好靚，淋上黑醋嘅汁，酸酸地，好開胃，送飯食一流。