Beans the Rambler

營業中

休息中

呢度嘅食物係唔錯，不過今日坐喺嗰度食嘢嘅時候，見到個衣着唔算好整齊嘅老人家(絕對唔係衣衫不整而且好有禮貌)，佢入去想食嘢(當時並無其他人排隊)，之後店員問佢想食咩？個老人家答佢想食西餐，之後店員居然問佢想食咩西餐？連餐牌都冇俾客人睇，亦都冇招呼人哋坐低就咁樣問人！個老人家表達自己係可以俾錢嘅，當佢想拉開張凳坐嘅時候，個店員居然用隻手撳住張凳，店員不停阻撓佢，明明入邊有位就叫佢喺出邊等，甚至招呼咗其他後來既客人入去，都偏偏唔招呼佢，我見個老人家喺出邊等咗一段時間最後冇人招呼佢自己走咗….我坐喺度食真係睇到都覺得好唔安樂，其實我好想知點解唔俾佢坐底食呢？覺得人地無錢俾？定係一定要身光頸靚先可以入去食？老實講我唔會再幫襯，幾好食都冇用！