西貢海灣會燒烤大王

雖然天氣好熱，但小朋友話想去郊外玩下，順便燒嘢食，所以都諗下去邊頭！諗到最近雨季，唔知會唔會落雨，所以去啲燒烤場啦一於。揾揾下，發覺西貢有個燒烤場好靚，又係郊外，又係有瓦遮頭嘅地方，唔怕落大雨！呢個燒烤場係自助燒烤場，位於西貢海旁，一望出去，有個靚靚嘅沙灘！大家可以一齊去玩，小朋友可以一邊燒嘢食一邊去沙灘玩消夏鼠！真係好開心呀！一入到去，見到個場好靚，嘢食選擇都非常之多，有晒傳統嘅燒嘢食必備，例如：雞翼、扒類、同埋唔同嘅丸！嘢飲佢就可以任飲，仲有幾多選擇下！會包咗一人一個燒烤叉，但我地就覺得用網燒方便啲！所以加咗50蚊要咗個網同夾，燒起上嚟快好多！呢度有個玻璃屋，落雨嘅時候就可以關𥦬，完全唔怕！