富士山媽媽 (已結業)

我今日去太平山頂當去日本一行又有富士山景，所以就幫襯富士山媽媽山頂餐廳。景觀就非常之一流但食物就真係麻麻地！叫咗個五色魚生起初都擔心唔知會唔會唔新鮮，結果都係勉強可以，覺得可以新鮮D！如果用冰鎮住可能會好啲！帶子唔夠甜，吞拿魚好似酸酸地，油甘魚唔夠肥美，紅蝦OK但係唔係最新鮮，食到蝦頭位好似有少少腥炸餃子好食同埋賣相都特別羽衣甘藍日本溫泉蛋沙律就真係好dry！建議可以加啲煙肉碎或者如果日式就再加一啲日本魚乾。另外叫咗個炸蝦卷同埋燒鰻魚，炸蝦卷都好食，啲蝦都彈牙！(忘記影相）但係鰻魚呢就同喺超級市場一般買$50條嗰啲差唔多個汁淋上咗面太鹹！食景係OK嘅！