影片
更多
2019-07-09
3143 瀏覽
BBQ係我的童年回憶，以前媽咪會提早準備食材之後要一早起身去霸爐，最大件事係小朋友都係眼闊肚窄，準備時有十萬個想食，但去到食左兩仍條腸仔就唔玩，燒完野食幾日都仲食緊剩食。所以近年都會選擇去任食燒烤場，樣樣都可以試少少，唔洗拎餐死。今次揀左去西貢海灣會燒烤會所，由西貢市中心（巴士總站）沿海旁步行20分鐘就到。裡面好大，最搶眼當然是玻璃屋，天氣好可以打開圍板好開揚，外面有帳篷，可以根據自己喜歡揀位，揀好位會有專人幫你開爐，坐定定等就可以了而家日日都勁熱，場內有好多會出水珠的風扇，唔算好焗～～一入場就會每人一套餐具，包括左一支全新燒烤叉，人頭計的紙碟發泡膠碟水杯、兩個細膠碗裝蜜糖同牛油，蜜糖掃，及盒裝紙巾。呢度最特別係汽水果汁水都係任飲的，而家咁熱去燒野食除了玩命，真係買野飲都買窮。刀叉、筷子、手套、醬料就係出面自取，辣椒油係用成本比較貴的 綿香（之前買燒賣拎多包都要收返錢）見到已經好感度加分。 任食食材全放在兩個大雪櫃入面，食物種類非常多放得好整齊，所有食物都有幾個口味揀，雞翼都有分雞全翼和中翼，還有黑椒雞扒，蜜汁西泠， 黑椒牛扒，豬頸肉，义燒，金沙骨，大條秋刀魚，多春魚，咖哩魷魚等等。丸
今次揀左去西貢海灣會燒烤會所，由西貢市中心（巴士總站）沿海旁步行20分鐘就到。
裡面好大，最搶眼當然是玻璃屋，天氣好可以打開圍板好開揚，外面有帳篷，可以根據自己喜歡揀位，揀好位會有專人幫你開爐，坐定定等就可以了而家日日都勁熱，場內有好多會出水珠的風扇，唔算好焗～～
一入場就會每人一套餐具，包括左一支全新燒烤叉，人頭計的紙碟發泡膠碟水杯、兩個細膠碗裝蜜糖同牛油，蜜糖掃，及盒裝紙巾。
呢度最特別係汽水果汁水都係任飲的，而家咁熱去燒野食除了玩命，真係買野飲都買窮。刀叉、筷子、手套、醬料就係出面自取，辣椒油係用成本比較貴的 綿香（之前買燒賣拎多包都要收返錢）見到已經好感度加分。
任食食材全放在兩個大雪櫃入面，食物種類非常多放得好整齊，所有食物都有幾個口味揀，雞翼都有分雞全翼和中翼，還有黑椒雞扒，蜜汁西泠， 黑椒牛扒，豬頸肉，义燒，金沙骨，大條秋刀魚，多春魚，咖哩魷魚等等。丸類大概有十款，包羅萬有。麵包，粟米，青椒，茄子，車厘茄，蕃薯等蔬菜就放另一冰箱。
逗留左半日，發現環境算乾淨唔多蚊（我好惹蚊的），食物質素大致都唔錯，扒類都係比較厚身大大件，唔會係碎濕濕的。
星期一至四成人$188無限時任食任飲，星期五$198，星期六，日$218可以預訂海鮮餐和乳豬，我覺得環境配套都對得住價錢，一家大細想家庭日值得一試。
張貼
