Abbraccio

呢間餐廳喺大館對面，有室內同室外座位，室外座位有好多燈飾點綴，幾浪漫，今日天氣幾清爽，我哋就坐喺室外，欣賞住大館嘅美景食野✅雞肉沙律（$158）呢個雞肉沙律賣相好吸引， 3塊大大片睇落好嫩滑嘅雞胸肉真係好好味，慢煮雞肉口感好嫩好多汁，加埋香甜嘅蕃茄、清爽嘅洋蔥，味道更豐富，最正係上面嗰層24個月格拉納帕達納芝士，好香好濃郁，同其他材料一齊食更加出色，最後再加埋少少意大利香醋，提味清新，真係健康又好食🤤✅海鮮意大利粉（$218）呢碟海鮮意大利粉好足料，有青口、魷魚、海蝦同蜆，全部都新鮮靚味，好滿足嘅鮮甜口感。意大利麵煮得剛剛好有啲彈牙，同海鮮組合得天衣無縫。仲有白酒香氣同辣椒片嘅微辣味道，令呢碗意大利粉更加特別。每一口都帶嚐到海鮮嘅鮮味同麵條嘅滑順口感，夠晒惹味✅四式芝士pizza（$218）呢款四式芝士薄餅真係芝士控嘅最愛！拿鐵芝士、戈賀佐拉芝士、阿西雅格芝士同24個月格拉納帕達納芝士組成一個超正嘅芝士組合。每款芝士都有獨特嘅味道同質感，拿鐵芝士香濃奶味，戈賀佐拉芝士融化口感，阿西雅格芝士微鹹微甜，再加上24個月格拉納帕達納芝士嘅濃郁奶味同鹹香, 再加上呢個Pizza餅底鬆軟煙靭， 令