龍鼓灘海邊BBQ

營業中

休息中

同個朋友由荃灣入屯門龍鼓灣，59M 轉K52 巴士，1個鐘3個字唔洗就到。場內地方好大，可以選海景位，普通位，冷氣位 (較貴，有麻雀玩）。今日風有d大就同朋友選左室內普通位。員工有禮主動，幫手開爐，指路，帶玩等等。野食超級多選擇and refill ，最愛黑椒雞翼，芝心丸，蟹子丸，蜜汁叉燒。適逢今日星期日餐廳更送咗糖水南瓜露，手快有手慢冇。入場包每人包一支嘢飲及餐具，另外燒烤叉,燒烤網等自費。場內買飲品雪糕甜品等價錢非常公道。 餐廳海邊睇日落黃昏非常優美，有時間可往海邊右邊上石級，約走10分鐘到觀景台睇風景。另外餐廳有乒乓枱，足球機，滑梯，家庭單車，扭蛋機等等玩樂設施，適合一家大細，亦令我同朋友有開心既一日。