La Casa Bistro (已結業)

以前讀書既時, 放學會經過文咸西街。呢一日我同舊同學係西環行街後, 就去左呢間位於地鐵站附近嘅意大利菜餐廳。之前經過時候, 都有朋友指住話呢間都唔錯㗎。 餐廳喺斜路上, 招牌唔係好顯眼。 入到去喺一間細細嘅家庭式嘅餐廳, 有一種令人好舒服嘅感覺。 是日喉嚨唔好舒服, 侍應好體貼地為我送上暖水。 仲不停加水。 令我覺得係香港真係好有人情味。芝士菠菜意大利雲吞呢個雲吞湯仲配有魚柳。 之前係第2度食過一次意大利雲吞, 但係比較硬身, 感覺都係一般 。 呢次嘅意大利雲吞令我哋改觀, 口感覺方面。 個湯好飲。 魚柳好好質素。火箭菜配牛扒係我今年內食過最好食嘅牛扒, 主要係因為個廚師煮得好食。 肉質, 調味 都十分好。藍莓芝士蛋糕 芝士蛋糕唔會太甜, 材料好新鮮 。總括而言, 呢間餐廳選用了十分新鮮, 高質既食材。 服務十分之有禮。 係值得一去既意大利餐廳。