影片
更多
2013-12-27
20 瀏覽
私房菜近年大盛，主要原因係店舖租金急升，已經到左一個不合理的地步！小餐廳為求存，紛紛進佔工廈，樓上舖之類。今次介紹的＜名廚小館＞坐落九龍城，雖不是位於樓上舖及工廈，甚至比它們更不起眼，惟出品卻可媲美一些高級食府！是晚抵這茶記一般的門面，心想今次可白白浪費了一晚時間，因為九龍城對我這些港島工作的小妮子像是相隔萬尺遠，沒有地鐵接駁，好不方便。但當到上層的貴賓房，我開始對佢有少少改觀。即刻睇下今晚餐廳為我地準備左咩美饌佳餚：避風塘茄子併軟殼蟹軟殼蟹經過油炸後仍保留鮮甜蟹肉的美味，當然唔少得用香蒜，加上清新的茄子，，在精準控制好火候之下，絕對香口惹味！鮑魚汁鳳爪鳳爪鮑汁味濃兼入味，而且炆得夠腍，有咬口兼開胃！日本芥末雲耳超特別的一道菜，平時諗起雲耳只會覺得係蒸雞之用，但今次用上日本芥末伴雲耳凍食卻比傳統做得更出色！金磚一口豆腐又係油鑊的功勞，食落鬆脆之外，豆腐更是滑溜溜的，送啤酒飲一流！蝦醬排骨仔蝦醬香突出惹味，撞上肥膩的排骨仔，算不上是健康之選，但人間美食，小試又何妨？ 貓砵酒加拿大桶蠔砵酒係葡萄牙酒，又名貓砵，而今次做砵酒蠔用桶蠔確實聰明，因為蠔本身夠大隻，煮完會縮水都仲夠咬口。金蒜銀絲蒸
是晚抵這茶記一般的門面，心想今次可白白浪費了一晚時間，因為九龍城對我這些港島工作的小妮子像是相隔萬尺遠，沒有地鐵接駁，好不方便。但當到上層的貴賓房，我開始對佢有少少改觀。即刻睇下今晚餐廳為我地準備左咩美饌佳餚：
避風塘茄子併軟殼蟹軟殼蟹經過油炸後仍保留鮮甜蟹肉的美味，當然唔少得用香蒜，加上清新的茄子，，在精準控制好火候之下，絕對香口惹味！
鮑魚汁鳳爪
鳳爪鮑汁味濃兼入味，而且炆得夠腍，有咬口兼開胃！
日本芥末雲耳
超特別的一道菜，平時諗起雲耳只會覺得係蒸雞之用，但今次用上日本芥末伴雲耳凍食卻比傳統做得更出色！
金磚一口豆腐又係油鑊的功勞，食落鬆脆之外，豆腐更是滑溜溜的，送啤酒飲一流！
蝦醬排骨仔蝦醬香突出惹味，撞上肥膩的排骨仔，算不上是健康之選，但人間美食，小試又何妨？
貓砵酒加拿大桶蠔砵酒係葡萄牙酒，又名貓砵，而今次做砵酒蠔用桶蠔確實聰明，因為蠔本身夠大隻，煮完會縮水都仲夠咬口。
金蒜銀絲蒸元貝皇店主用料絕對講究，因為今次用上元貝皇，大大隻極好咬口，用上最傳統蒜蓉粉絲蒸的做法突出其鮮味，令人回味非常。
麥片黃金海中蝦我有無聽錯？我依家唔係食早餐，點解會有麥片食？原來係大廚攪攪新意思，炸海蝦食得多無新意，不如試下呢個麥片黃金海中蝦，外層香脆的麥片中和炸過的油膩感，無論味道、口感、賣相、心思都讚不絕口的一道佳餚。
海龍皇吐珠食完蝦之後店主聲稱要花一點點時間準備下一道菜餚，心想有咩要咁花功夫，點知一上台全世界立即歎為觀止！呢道菜係大廚先將蕃茄肉起出，再釀入龍蝦肉到蕃茄，淋上龍蝦湯，功夫之多實在難得，細問之下原來呢道菜係需要預訂，心想亦不無道理，因為的確要及早準備，加上龍蝦肉亦唔似得坊間用上雪藏食材，因為餐廳所有海鮮都唔會擺過夜，私房菜更加係預訂後先會因應入貨，仲要係店主親自去揀選海鮮，所以用料絕對保證新鮮。
椒鹽鮑魚最初擔心炸鮑魚好浪費，點解唔用清蒸做法，因為此菜餚好危險，時間控制差少少都會變得太硬失去咬感，但呢到又出色地完成左任務，炸鮑魚卻不失鮑之鮮，難得難得。
水煮海龍躉
本人唔好魚沒有品嚐，但聞到陣陣火辣味，相信好辣之仕定必愛上。
沙參玉竹豬肚包雞又係另一必須預訂方可品嚐之佳餚，因為湯底係熬足八粒鐘先上台。經上網查證後得知沙參怯痰止咳、清肺火、養胃生津；玉竹養陰潤燥、潤腸通便，故此湯對於老人糖尿病、津虧腸燥及引起大便結等症頗有功效。另外用豬肚包雞，食個陣將豬肚剪開，飲湯時有豬肚雞一齊食，立即將成個湯豐富起來。
南瓜四寶盅先起晒南瓜肉，再加入四寶的雙花雙菇包括西蘭花、椰菜花、磨菇及草菇，香甜清新的一道菜，但南瓜份量頗多。吃多了會有點膩。
黑醋炸蛋雞用上黑醋，使雞吃起來有點酸酸開胃，令已飽到非常的我都食左三小塊，但炸蛋就算了，店方考慮到是尾聲的關係特意將炸蛋份量減少，令小妮子欣賞店方的周到。
黑白泡飯黑飯將炸過的黑糯米跟湯飯同吃，使黑糯米的脆脆口感完全突出，特別係用上大量黑糯米，使平時不太好飯的我都一口氣征服左一大碗！
芒果糯米糍及時令菠蘿火龍果
芒果糯米糍一般，主要在於咬感不夠煙靭，但考慮到店方非甜品專家，比起一般的西瓜盤，已經做得不錯兼夠出色了；而菠蘿及火龍果都好夠甜，為今晚畫上完美句號。
總結今晚慶幸到來，就算花多點時間坐車，但品嚐到如此佳餚都絕對值得。小妹決定下次再聯合食友們重臨此地作開年飯，請老闆娘再介紹更多驚世美食予我們品嚐！
張貼
