金記冰室 (元朗廣場) (已結業)

星期日瞓到好晏，跟住落大橋買餸，順便食個下午茶，近近地去元朗廣場，每次都會去金記食，因為方便囉，今次都唔例外金記都算好大間，好彩有卡位坐，舒服又夠空間感餐牌成寸厚，真係好多選擇，花多眼亂，想食乜都有同老公連早餐都未食，所以大家都各自點個豐富少少既餐一齊食生炸雞髀火腿烚蛋沙律配即食麵: 老公話下午茶餐最正就係食炸雞髀，炸得岩岩好好脆之餘又唔會太乾身，仲好juicy，而且仲有火腿烚蛋沙律伴菜，加埋個公仔麵真係無得頂另外老公話一間餐廳最緊要杯奶茶掂唔掂，佢話金記奶茶好得，好夠滑而我就揀左海南雞套餐，首先成個餐都好吸引，有我至愛既花生，好香口又好脆，另外仲有我至愛既中湯，飲得出真係老火湯來的仲有雞油飯好香，唔油膩，另外個主菜海南雞，全部起左骨，啖啖都係肉，而且肉質非常滑，一定要點埋薑蓉及醬汁就係咁好食，令到我要點多隻海南雞外賣今晚加餸