錦麗 (世貿中心) (已結業)

當日下午要過銅鑼灣開會，之前都成日聽朋友講呢間啲越南河好好食，今次終於有機會試下🤪我自己一個人去食所以排咗3分鐘就有位，不過下午來講都算好多人🤭我前面都有六個人排緊隊👫👭👬由於我第一次食都唔知揀乜好，所以就叫咗個綜合湯河🤪乜都有唔洗煩😂餐廳好貼心😍枱頭會有個示範教你點樣食，首先飲咗啖湯，然後再加唔同嘅配料，我自己就加咗芽菜、香葉同埋辣椒🌶️牛丸好好食超級彈牙！🤩生牛肉都好好食唔會太un，熟牛肉就個人麻麻哋可能一碗麵太多牛肉即刻比下去😂不過都淋嘅唔會係老柴。整體黎講係好食既，不過我下次應該會食牛丸河或者生牛肉河😜如果多啲朋友一齊jap都想試埋佢啲小食。