小明珠

同同事1:30pm去到食lunch，估唔到呢間店會坐滿，好多上班族幫襯，等咗一陣可以入座！喺門口見到宜家做緊promotion，1:30-3:00 $10 隻小籠包，真係好抵！同同事都好肚餓，所以嗌咗好多嘢食，特別想講酸辣湯米線好值得嗌，米線非常滑同彈牙，量亦好多，啲水餃好大隻，多餡，真係必叫呀！跟餐仲送豆漿，見到全場都飲豆漿😂小籠包皮簿、餡大舊，好juicy。豆沙鍋餅都好好食，一啲都唔油，煎得好脆，豆沙亦多，同同事一人食四件好滿足！