影片
更多
2018-03-11
5442 瀏覽
圃鍋 最近有有朋友介紹灣仔有一間海鮮火鍋，今日得閑同朋友一齊上去試吓，睇下係咪真係咁好味。上到去之後，發現個裝修好靚，好有心思，摩登得來，富有中國嘅特色。仲有一個露天嘅地方，可以俾人飲嘢，如果而家嘅天氣小小涼，係露台打邊爐都有一番風味，不過夏天就可能會太熱啦。 一上去，啲侍應服務都很好，＄278一位有：每人有五至六款時令海鮮（波士頓龍蝦半隻、）瑤柱鯪魚肉丸、自家製雲吞、水餃等。大家決定加＄100，仲有日本鹿兒島和牛同四色刺身。 刺身好快就送上來，排列好整齊，亦都非常新鮮，每件刺新都係厚切，特別係啲厚切三文魚，食落冇喳，又新鮮，同時啲甜蝦又新鮮又大隻，另外兩款刺身都好好味，食到唔停口。 湯底方面，我哋叫咗一煲魚湯魚，一煲豬骨湯底，海鮮拼盤在非常澎湃，海鮮嘅份量都唔少，而且新鮮！始終海鮮唔新鮮嘅話，一食便知道絕對呃唔到人呢。跟住到火鍋主菜，首先我哋先食咗啲鯪魚球、水餃，雲吞味道非常之好又彈牙又爽口。跟住食鹿兒島和牛味道都唔錯，入口即溶，但我喜歡本地牛多啲。 海鮮拼盤： 呢個賣相真係非常正，超級澎湃。跟住試吓啲帶子，隻隻手
最近有有朋友介紹灣仔有一間海鮮火鍋，今日得閑同朋友一齊上去試吓，睇下係咪真係咁好味。上到去之後，發現個裝修好靚，好有心思，摩登得來，富有中國嘅特色。仲有一個露天嘅地方，可以俾人飲嘢，如果而家嘅天氣小小涼，係露台打邊爐都有一番風味，不過夏天就可能會太熱啦。
一上去，啲侍應服務都很好，＄278一位有：每人有五至六款時令海鮮（波士頓龍蝦半隻、）瑤柱鯪魚肉丸、自家製雲吞、水餃等。大家決定加＄100，仲有日本鹿兒島和牛同四色刺身。
刺身好快就送上來，排列好整齊，亦都非常新鮮，每件刺新都係厚切，特別係啲厚切三文魚，食落冇喳，又新鮮，同時啲甜蝦又新鮮又大隻，另外兩款刺身都好好味，食到唔停口。
湯底方面，我哋叫咗一煲魚湯魚，一煲豬骨湯底，海鮮拼盤在非常澎湃，海鮮嘅份量都唔少，而且新鮮！始終海鮮唔新鮮嘅話，一食便知道絕對呃唔到人呢。跟住到火鍋主菜，首先我哋先食咗啲鯪魚球、水餃，雲吞味道非常之好又彈牙又爽口。跟住食鹿兒島和牛味道都唔錯，入口即溶，但我喜歡本地牛多啲。
海鮮拼盤： 呢個賣相真係非常正，超級澎湃。跟住試吓啲帶子，隻隻手指頭咁大，咬落去爽口，一句講晒夠晒新鮮。每人仲有半隻龍蝦，仲有差唔多有半隻手掌咁大嘅係蟹鉗，肉質結實又鮮味。
最後嘅吸收海鮮精華嘅湯底，真係非常濃郁，吸收左海鮮嘅精華，大家一致認為海鮮邊爐，湯底一定要選擇魚湯，因為豬骨湯底嘅味道有點濃郁，把部份海鮮嘅味道蓋過了。
服務環境食物都不錯，下次再嚟嘅指數一定高。
張貼
