Relax B&M

營業中

休息中

難得今日放假天氣好去大美督沙灘玩，途中落雨就去附近餐廳食嘢。冇諗過平日餐廳都好旺，全部都係熟客。可以帶貓貓狗狗零一齊用餐 ，有戶外用餐區，第二層可以同店主養的貓貓玩 。午餐好多選擇，卡邦尼意粉 $108 ，餐飲免費跟橙汁。煙肉厚切 白汁芝士香濃，非常美味。芝士漢堡 $153 ，焦糖咖啡加$15 , 牛肉漢堡好多肉汁，中間番茄生菜好新鮮，好食過大型漢堡包店。最後加配甜品 牛角窩夫 加$34 oreo 味仲可以揀雪糕味道。牛角窩夫烘得好脆 。食完可以慢慢嘆咖啡天氣放晴，仲可以玩店主養的貓貓，老闆娘親切又健談，這個慢活的氣氛令人下次都會想再黎。