風月堂 (已結業)

睇戲之前去左風月堂食飯坐得冇耐已經開始有人等位但嗰時只係7點鐘証明仲好受歡迎之前都係喺1樓食今次要上2樓行完條樓梯都喘晒氣...menu好多選擇唔好嘅係過多三文魚嘅菜式...咩都三文魚...好多都好想食但胃得2個唯有order住一個飯一個前菜先鵝肝帶子野菌炒飯鵝肝份量都幾多上菜時都熱嘅煙三文魚薄餅份量都ok每人都可以食到3件上面好多木魚但係唔記得呢d嘅薄餅通常都有好多我唔鍾意嘅洋蔥OMG朋友話每次黎親都一定要飲佢嘅奶茶所以我地用佢上網download嘅coupon飲秋冬買一送一優惠揀左玫瑰奶茶我次次都係食佢嘅甜品今次第一次試佢嘅奶茶套杯係好靚嘅杯碟好靚感覺好英式傳統歎茶咁茶同奶分開上按自己喜好倒茶同加奶杯底有少少玫瑰花瓣一朵玫瑰都冇少左d囉如果多d花瓣嘅話杯奶茶應該會再香d好滑好香自己好難沖到佢咁香滑正！但因為花瓣唔多所以聞落去好香但飲落去就同普通奶茶味冇咩分別每人都可以沖到2大杯份量都幾多原本有飲品都已經好飽但係黎到風月堂唔食甜品好對唔住自己最後飽住都要order左蘋果香蕉薄餅黎到上面嘅雪糕球已經溶溶地要快手食左先而個薄餅都暖暖地好多蘋果好足料個薄餅係蘇皮咁服務好似唔係好夠人手要等耐