永樂茶餐廳 (已結業)

星期日的中午, 和老婆去了永樂吃午餐, 晚餐吃得多, 但午餐就沒有試過, 心想晚市咁有水準, 午市應該都不會太差, 點之....點了兩個午餐, 分別是豬扒餐肉飯和焗葡國雞飯. 個豬扒餐肉飯預了沒有甚麼期望, 是一般茶餐廳午市快餐的水平, 唔算太難食, 收貨啦. 但個焗葡國雞飯實在離晒譜, 寫到明是焗葡國雞飯, 但來到時一點都不對辦, 完全沒有焗飯的香味, 似一般碟頭葡國汁雞飯就差唔多, 不單只不是焗飯的味道, 連啲雞都非常差, 全部是白"鞋鞋"的雞胸肉之餘仲要一點兒味都沒有, 好像沒有調味過一樣. 啲飯又唔夠熱, 總之就是差到無人有, 最不滿的是這個焗飯餐仲要比其他的午餐款式貴4元, 名符其實又貴又難食.估唔到原來午餐這樣差, 以後一定只會晚餐時間才來這兒, 一間食肆午市跟晚市可以是兩種截然不同的質素. 為甚麼會這樣? 唔通午市跟晚市的廚師其實是唔同人?