口福小廚

營業中

休息中

口福小廚，我之前已經幫襯過好幾次，一直保持水準，我今次就試咗椒鹽雞翼飯，我由落單到取飯，等咗差唔多有20分鐘，但呢度嘅出品真係可以令到你(妳)心甘情願去等，因為真係好食，而且份量非常之多，椒鹽雞翼飯＋凍飲都係$40蚊，抵到爛！椒鹽雞翼飯真係相當香口，有大量紅甜椒圈、洋蔥絲、炸蒜頭等，雞中翼炸得非常香脆，肉質好嫩滑有肉汁，飯粒分明而又份量多，杯凍檸茶夠哂茶味，檸檬片落得足夠，酸度啱啱好我，又夠凍，非常醒神解渴，真係相當滿足嘅一餐！備註：嚟呢度幫襯有幾樣嘢需要注意，先比錢，後取食物，要自己揾位用餐，等候取食品嘅時間隨時超過20分鐘，下午兩點後直至五點幾應該係落場時間，店舖會關門，星期六、日有可能係休息日，假日盡量避免前往該舖(因為有可能摸門釘，需要注意)。