JuniJib Dessert (已結業)

如果想去食飯食韓國菜，乜嘢都想叫，咁點算好？呢一間餐廳幫到你，佢嘅套餐包左唔同嘅食物，可以滿足你各項嘅要求。我哋叫咗一個一人餐再加韓式壽司飯卷。呢間餐廳新開，右邊係主打熱食美食區，左邊就係飲品同埋甜品區，你可以自己入座。而且上菜速度亦都好快，方便你食個快靚正嘅午餐。一人套餐包括左韓國魚糕湯、雜錦炸物同埋韓式炒年糕。清清地飲啖湯，而且好似食魚蛋咁樣，最鍾意佢個魚腐皮，煙un爽口彈牙鍾意食辛辣味嘅朋友就啱晒你啦，韓國嘅炒年糕係又甜又辣，年糕咬落香糯軟熟。雜錦炸物有炸餃子、炸紫菜粉絲卷、炸魷魚、炸番薯、炸南瓜，全部皮薄餡靚，香脆可口，點埋佢嘅自家製醬咁就一流。韓式紫菜包飯卷最鍾意韓國色嘅壽司，料多而且飯帶有麻油嘅香氣，食落比起日式壽司更加滋味，又夾雜着爽口嘅青瓜同埋醃蘿蔔。如果要食一個快靚正嘅韓式午餐，我強烈推薦。