Terrace in seaside (新城市廣場一期)

營業中

休息中

周圍都見到柑橘蹤影，連店員頭上都帶著🍊帽，非常可愛！餐廳位於open area，環境唔算太嘈。至臻蜂巢無花果窩夫 $188太愛呢款！所以介紹甜品先！初頭覺得$188價錢偏貴，食落覺得物有所值🤑窩夫厚身鬆軟，內有空氣感，帶淡淡奶香，證明粉漿唔係溝水。配料如其名，充滿蜂蜜同無花果味，面頭忌廉加入蜂蜜，無花果糖漿亦加入蜂蜜煮，清雅香甜，另有3大粒新鮮無花果，齒頰留香。泡菜豬肉芝士千層麵 $78將韓國特式注入千層麵，又幾夾。中間5層厚身足料，泡菜甜甜辣辣，幾開胃，但低層麵底可以淋啲就更好。蟹籽雞蛋薯仔蘋果沙律 $68叫左兩道菜式都放左舊橙係旁邊🤣切合Café主題。面頭鋪上蟹籽同蛋黃碎，色彩鮮豔，睇見都開胃😝蘋果爽脆，薯仔夠粉，好快就KO晒。Aqua Bomb 水漾奶昔 $58粉藍色，好少女，IGable📸香蕉、蜂蜜和鮮奶blend得細滑，飲落冰感唔會好重，甜度合適。夢幻紫薯牛奶 (凍) $48紫薯蓉細膩唔假，容易blend 開，配明治牛奶，冇死既配搭。