The Hwaduk (已結業)

呢間韓國餐廳係友搵到想嚟試下既，第一次嚟Cubus呢一棟大廈，原來上面有咁多唔同既餐廳，而且好多間都好似唔錯咁。上到嚟唔算太多人，餐廳都算幾闊落，感覺都幾舒服。兩個人食每人各叫一份再加個飲品就啱啱，食韓國嘢就無理由唔識雞，我地叫咗個無骨烤雞($198)，嚟到真係啖啖肉既雞，而且有汁，有啲都唔「鞋」，佢仲會配有幾隻唔同醬，沙律醬、辣醬等，都幾啱返口味。另外就叫咗個炸魷魚配薯角($178)，份量超多，薯條同魷魚都好食佢地職員俾你影完相之後仲會幫你剪埋添，好貼心飲品就叫咗個米酒($118)，佢地有好多唔同水果口味選擇，我地就揀咗芒果味，飲落去甜甜地好舒服，酒味又唔會太重，好鍾意。佢地食物份量都幾大，我諗我地叫兩個菜其實三個女仔都夠飽，下次可以叫多啲人上嚟Share多啲嘢食。