高麗軒韓國餐廳

營業中

休息中

Hello 大家好，又係我地Hkfunlife小編分享好餐廳既時間啦 實在好耐無去旅行，突然好想食韓燒。今日就搵左呢間韓國韓燒放題餐廳試下。呢間餐廳位於北角和富道20-36號明暉大廈1樓，叫做高麗軒韓國料理。呢間其實係尖沙咀人氣韓燒料理放題高麗軒韓國料理既北角新店。我地到達餐廳後，等幾分鐘便可入座。埋到枱見到餐具清潔，同埋最緊要係抽氣做得好足，唔會煙霧彌漫，環境舒適。坐低之後，店員說明點餐步驟，只要掃一掃QR code就可以落單，方便客人點餐及追加，非常簡單方便。宜家任食放題的價錢，星期一至四成人$268位, 星期五$288位。而每人加$68仲可以升級任食加拿大Prime 雪花牛、3A雪花牛、帆立貝、澳洲新鮮帶子、法式羊架同紅炆牛肋骨等等添，仲會送classic羅拔臣啫喱，而新張期內全單仲有九折優惠。太多野食喇，我地用左10分鐘先諗好要嗌咩。負責樓面工作嘅店員友善好客，而且效率高。點餐後好快就上左韓國小食，跟住就係加拿大Prime 雪花牛，油花均混，燒完後相當香口。呢個澳洲帶子同帆立貝好鮮甜，所以追加左幾次。