韓珍 (寶勒巷)

營業中

休息中

偶然係OpenRice發現呢間韓式餐廳，第一次去試，感覺都幾韓風。餐廳大部份服務員都係韓國人，聽聞餐廳都係由韓國人主理，仲有好多韓星打卡位同音樂節目睇，幾啱我呢啲有留意下韓國明星嘅人。-牛肉拼盤 $320拼盤有三款牛肉，包括調味烤排骨、調味烤裏脊同調味特級牛肋骨。三款肉質都幾嫩滑新鮮，經調味後牛味更特別。欣賞呢到嘅韓燒爐，唔易燒燶食物，而且食完都唔會有油煙味。餐廳附有三款調味料供客人蘸點，韓式辣醬都幾惹味。凡係韓燒就會送一份雞蛋燒同生菜，飽足感滿滿。-牛舌 $160份量頗多，每塊都又圓有大塊。入口帶些許韌性，牛香濃厚。唧上檸檬汁，牛舌更多咗少許清新香氣，食落開胃。店員間唔中仲會主動幫手燒，服務周到。-炒年糕湯配烏冬 $128年糕湯好有真正韓國菜嘅風味，甜辣度啱啱好。年糕煙煙韌韌，烏冬綿軟，湯味滲入年糕同烏冬之中，好過癮。-醱酵人蔘雞湯 $109雞湯味道清甜，湯底呈乳白色。除咗有大大隻人蔘雞，底層更有糯米飯。雞肉偏瘦，食落口感較紮實，清清地配埋湯一齊食用都幾好。