Cafe Fabulous

營業中

休息中

估唔到係旺角搵到間咁大地方又坐得幾舒服嘅樓上cafe，梳化位好寬敞，仲有broadgame玩，有機會同一大班朋友嚟都唔錯。Set for two $318二人餐包1份小食、2份主菜、2款甜品同1杯飲品。食完小食同主菜其實已經幾飽，份量都算多。見到有個根據月份而分嘅飲品系列，幾特別，有太多想試嘅特飲，所以今次額外叫多杯飲品。炸薯角即點即炸，熱辣辣頗酥脆。芝士白汁焗鴨胸意粉口感偏硬，白汁再濃稠點會更好，相反芝士同鴨胸鹹香得宜。值得一讚咖喱吉列魚柳飯，魚柳炸衣唔太厚，魚肉軟嫩度令人上癮。咖喱辛辣得過癮，配魚柳亦不錯。紐約芝士餅芝士味較濃，口感厚實。Tiramisu蛋糕咖啡味唔算太濃，但配上可可脆米同朱古力醬別有一番風味。拾壹月(抹茶雪糕)偏清淡，內有碎冰。雪糕配朱古力醬香甜不膩。榛子繽紛樂鮮奶含豐盈忌廉，拌勻後細嚐有麥片般嘅質感。