影片
更多
2015-12-02
1875 瀏覽
晏晝經過海港城見到呢間新餐廳, 個開揚又無敵既維港景色令我同同事忍唔住入去嘗新! 我地點左3個2-course 午餐($108), 以尖沙咀區黎講價錢算合理。跟餐仲有無限添飲花果茶, 飲落有玫瑰香,清清甜甜可以消滯!頭盤點左 : 豬耳沙律, 葡式肉腸煎蛋, 薄荷雞湯。豬耳沙律份量頗大, 豬耳醃得好入味, 同洋蔥+油醋味道夾, 唔怕騷味既人不妨一試~ 而薄荷雞湯就清而味道濃, 入面有雞絲, 小米, 薄荷葉, 菜粒等, 口感豐富，清清地令成餐飯冇咁heavy! 葡式肉腸煎蛋睇落簡單, 但味道出奇地好味, 食之前將蛋、腸粒、麵包粒撈勻就得, 我地仲用嚟送麵包食, 估唔到又OK喎!主菜點了招牌炭燒霹靂春雞伴薯條, 葡式麵包炒海鮮 同 葡式烤乳豬伴薯條 (要+$30)。春雞一嚟到已經聞到超香, 份量都幾大吓, 個辣令醬酸酸辣辣, 點薯條食好味! 烤乳豬同港式唔同, 皮烤得好薄, 外脆內嫩,個胡椒醬非常嗆鼻兼惹味, 將乳豬既味道提升~ 我地仲貪得意叫左葡式麵包炒海鮮, 全因佢個名夠特別。呢個菜式既海鮮味道好濃郁, 口感似粥+糊, 應該係麵包糊嚟既~上面有魚, 蝦 & 蝦粒, 好彩3個人Share
我地點左3個2-course 午餐($108), 以尖沙咀區黎講價錢算合理。跟餐仲有無限添飲花果茶, 飲落有玫瑰香,清清甜甜可以消滯!
頭盤點左 : 豬耳沙律, 葡式肉腸煎蛋, 薄荷雞湯。豬耳沙律份量頗大, 豬耳醃得好入味, 同洋蔥+油醋味道夾, 唔怕騷味既人不妨一試~ 而薄荷雞湯就清而味道濃, 入面有雞絲, 小米, 薄荷葉, 菜粒等, 口感豐富，清清地令成餐飯冇咁heavy! 葡式肉腸煎蛋睇落簡單, 但味道出奇地好味, 食之前將蛋、腸粒、麵包粒撈勻就得, 我地仲用嚟送麵包食, 估唔到又OK喎!主菜點了招牌炭燒霹靂春雞伴薯條, 葡式麵包炒海鮮 同 葡式烤乳豬伴薯條 (要+$30)。春雞一嚟到已經聞到超香, 份量都幾大吓, 個辣令醬酸酸辣辣, 點薯條食好味! 烤乳豬同港式唔同, 皮烤得好薄, 外脆內嫩,個胡椒醬非常嗆鼻兼惹味, 將乳豬既味道提升~ 我地仲貪得意叫左葡式麵包炒海鮮, 全因佢個名夠特別。呢個菜式既海鮮味道好濃郁, 口感似粥+糊, 應該係麵包糊嚟既~上面有魚, 蝦 & 蝦粒, 好彩3個人Share咋, 否則一定食唔哂~
葡式麵包炒海鮮
$108
92 瀏覽
1 讚好
0 留言
張貼
