唐包點 (已結業)

西灣河地鐵站嘅呢間分舖，每逢星期一至五上班時間，都有一條小龍在輪候，今天早上我也來加入排隊行列，買咗個菜肉包。店員手腳都快，由排隊，付錢，到取包都只係用咗我5分鐘，暖笠笠菜肉包就到手了。從未見過中式蒸包有如此完善的包裝，個包裝好似麥當勞叔叔餐廳，先有一張印花紙把蒸包覆蓋好，然後再用紙袋入住個蒸包比客人，雖然唔環保，但我自己就幾喜歡。菜肉包是廣東常見包點之一，以豬肉混合白菜是包內主要的饀料，個包白白淨淨圓碌碌，第一咬就食到白菜及豬肉，舊肉好多肉汁，而且口感分明味道不錯。個菜包我自己都幾喜歡，下次再試試其他包點款式先。