川燒 (已結業)

之前過開佐敦買嘉多利經過呢間串燒地鋪都想試, 同事話想食我就醒起, 睇過D相好唔錯就book位食啦😋汁燒穀飼一口牛$48穀飼牛比草飼更重油脂, 用黎做串燒就一流多爆油😍 黑椒粒同燒汁封住左嫩滑牛肉, 雖然佢呢個"一口牛"唔係一粒粒分開而係一條, 但因為肉質好腍, 都好易咬出黎, 入面仲標晒煙😍😋秘製醬燒麻辣鴨舌$26呢個麻香味超重, 果然係秘製醬🤤 出面食麻辣好驚得個辣字, 但呢個醬麻同辣好平均, 各有千秋, 加上鴨舌爽口彈牙, 燒到乾身, 個醬吸晒入去超好味🤤😋燒大海蝦 $28又冇特別講咩係咩品種既蝦, 唔算好多膏但好大隻, 肉多鮮甜, 殼薄又肉質彈牙, 做串燒都好適合☺️