Honbo (已結業)

行完街睇完毒舌大狀小編們就去左海港城既Honbo醫下肚。呢間Honbo漢堡店原來曾經上榜全球最佳漢堡!貴為全亞洲最好食既漢堡店，小編就點左幾樣野試試！ 【 CLASSIC BURGER】$88塊牛肉好juicy 好香，不過個飽整體唔係好突出，覺得差咁啲野，生洋蔥既腥味搶左風頭💔，食左一半後小編忍唔住拎走剩餘既洋蔥終於享受返牛肉扒既香！【 CHEESE BURGER】$98同classic burger 比， 佢只係多左塊cheese,但成件事升華左去另一個層次！呢個無左個洋蔥腥味，同成個飽好香，即係話，大家食Honbo既漢堡係要點有cheese 架記住！❤️‍🔥【 FRIES】$38不過不失，食burger 無左薯條🍟唔得，所以照叫😂【 APPLE PIE ICED TEA】$40呢杯勁好飲！iced tea上有塊好甜既蘋果乾同玉桂，呢個配搭超好味！❤️💞不過本身唔好玉桂既朋友就要注意啦～