三河屋 (已結業)

4月份的星期六，下雨天，因睇戲之下來到紅磡(Firday尋尋覓覓之下終於搵到一間戲院仲有2位同有平飛預售的懷舊戲院)，咁就順便係果頭食埋飯先入場，同戲院相近的有間出名食鰻魚飯的店子三河屋(記得在幾年前曾幫襯過佢個fd尾張屋)差不多轉個彎就係，實在太方便了。 店子有落場時間，6:00後再開營業，我地就6:00多去食，呢個時段，唔太多人，內堂不大，裝潢實用的簡潔，服務上有人情味的街坊小店。 餐牌，除了招牌鰻魚飯，還有其他吸引的日食，但初到貴境，一於試下招牌貨。 share食。 鰻魚飯付送的麵豉湯，味道清清地有麵豉香味，唔會太鹹。鰻魚飯，$88，好大件又肥厚的鰻魚，口感軟嫩，味道甘香，好味，如果可多點鰻魚汁撈飯會更好味。 吉列豬扒北海道忌廉飯，＄58，友人以前是常客，多是食鰻魚飯，今次試新野叫了呢個，北海道忌廉醬汁十分豐富，食落是香甜的粟米味，幾好食，果然個汁先係賣點，炸豬扒入口香脆，味道唔算太好食但正常水準。鰻魚飯美味，有機來再食。 Avengers 4。