蓮香樓 (已易手) 新餐廳

聽蓮香樓聽過無數次，食就第一次食1點幾去到 都算幾full 好彩唔洗等位環境好古色古香好懷舊既感覺，遊客應該會好鍾意，天花掛左d假既雀籠一坐低就問我地飲咩茶 睇睇下原來茶位要$13，好貴場內有幾個婆婆推車仔，每架車都係唔同野食，問佢有咩佢唔答人，要自己打開d籠逐個黎睇，所以好多人都係食完一兩籠就會坐係度等佢下一輪，每次係廚房出黎，就一堆人衝埋去拎野食一開始拎左個叉燒包，燒腩卷同豬手，叉燒包冇特別，豬手塊皮好多毛好嘔心，燒腩卷係今餐最正常既野食之後拎左碟好似腸粉既物體，入面包左蝦呀肉呀，但個粉皮又厚又硬，一夾就甩晒d餡出黎，乾爭爭，食完一舊都覺得自己好勁男朋友唔飽再拎左鳳爪同牛肉球，鳳爪冇咩味，又乾，係我食過最難食既鳳爪，食牛肉球要喼汁，問個婆婆拎，佢完美地無視我，問佢車上面有咩食，又ignore我，呢刻已經好火過左陣想拎蝦餃，點知個婆婆比晒其他人，就係唔比我，我話咁要燒賣啦，有人過黎佢又比左其他人，然後同我講冇燒賣喇去到呢個時候已經唔太想食...淨係想快d走過左15分鐘，終於有蝦餃燒賣，但睇個賣相都見到伏啦，個皮爛晒，又厚伙記過黎加茶又整濕我隻腳2次究竟係我唔好彩定點，邊個話蓮香樓好食