影片
更多
2023-03-15
103 瀏覽
重房📍北角馬寶道62-76號華禮大廈地下G29A&B號舖呢間位於北角隱世日本料理小店專營omakase，由兩位善於social 嘅師傅主理，晚餐價位較旺區親民，分別有$980, $1280, $1480 。而每一個套餐都會免費送一小瓶東洋美人sake, 非常好客！我地揀咗個$980 ，雖然係最經濟嗰個套餐，但都有17品，其中一品仲要係吞拿稀有部位添！Omakase 要食到稀有部位，一定唔係呢個價位！師傅仲話如果有客人要求，可以提供到鯊魚心藏同八爪魚卵呢啲香港地冇乜地方食到嘅刁鑽部位！漬物：紅橋頭，牛蒡。開胃小食，仲要係全晚無限refill前菜：1. Wasabi 淮山、醃製蓮藕、水雲、酒盗日本腐竹日本淮山較本地黏，帶少少滑潺潺嘅口感。酒盗日本腐竹調味，有啲鹹鹹地可以帶出豆香！主要係酸酸甜甜為主調，好適合佐酒嘅前菜！2. 九洲小長井生蠔生蠔大隻爽口，蠔味重，海水味濃，配以蘿蔔蓉及海帶，多重口感更清新！3. 螢光魷魚加醬油以火槍灸燒，入口爆漿，咸香味濃，出色刺身：4. 目仁奈白身魚中魚味較濃，油份適中5. 北海道凡立貝用咗柚子岩鹽作調味，肉質一梳梳，鮮甜！6. 野生冰見寒鰤要係冰見巷捕獲先
📍北角馬寶道62-76號華禮大廈地下G29A&B號舖
呢間位於北角隱世日本料理小店專營omakase，由兩位善於social 嘅師傅主理，晚餐價位較旺區親民，分別有$980, $1280, $1480 。而每一個套餐都會免費送一小瓶東洋美人sake, 非常好客！
我地揀咗個$980 ，雖然係最經濟嗰個套餐，但都有17品，其中一品仲要係吞拿稀有部位添！Omakase 要食到稀有部位，一定唔係呢個價位！師傅仲話如果有客人要求，可以提供到鯊魚心藏同八爪魚卵呢啲香港地冇乜地方食到嘅刁鑽部位！
漬物：
紅橋頭，牛蒡。開胃小食，仲要係全晚無限refill
前菜：
1. Wasabi 淮山、醃製蓮藕、水雲、酒盗日本腐竹
日本淮山較本地黏，帶少少滑潺潺嘅口感。
酒盗日本腐竹調味，有啲鹹鹹地可以帶出豆香！
主要係酸酸甜甜為主調，好適合佐酒嘅前菜！
2. 九洲小長井生蠔生蠔大隻爽口，蠔味重，海水味濃，配以蘿蔔蓉及海帶，多重口感更清新！
3. 螢光魷魚加醬油以火槍灸燒，入口爆漿，咸香味濃，出色
刺身：4. 目仁奈
白身魚中魚味較濃，油份適中
5. 北海道凡立貝用咗柚子岩鹽作調味，肉質一梳梳，鮮甜！
6. 野生冰見寒鰤要係冰見巷捕獲先可以稱得上冰見寒鰤，配上自家磨製彩芝麻，肥美油香味濃，調味令層次遞增
7. 太刀魚 經過灸燒再配以三升漬調味，油脂豐富，三升漬帶微微辛辣，好惹味！
8. 自家製磯煮鮑魚
配以鮑魚肝醬，經過慢煮幾個鐘，非常入味，鮑魚肝醬味道似蟹膏！
9. 昆布滑子菇湯食咗咁多刺身之後， 有碗熱湯暖胃，滑子菇入口黏黏滑滑，清甜！
壽司：
10. 蜜甘鯛食蜜甘長大嘅鯛魚，食到尾會帶少少陳皮味
11. 深海池魚仿北海道備長炭效果，用特定網燒輕輕一下一下燙熱，迫出滿滿油脂，重回甘味！
12. 生死戀兩片大拖羅，一片生一片灸燒過，魚脂極豐富，整喜愛！
13. 腦天屬於拖羅稀有部位，即額頭位，輕輕灸燒過，估唔到頭部油脂都可以咁豐富！大開眼界，非常出色！
14. 甘海老配蝦頭膏醬 ，甘甜！
15. 北海道小川海膽杯屬於黃海膽，甘甜奶滑！
16. 烏冬松葉蟹肉配日本秋田縣湯烏冬，蟹肉鮮甜，烏冬煙靭！
17. 甜品綠茶同焦糖日本糯米糍，煙煙韌韌好有日本手信味道！
題外話/補充資料：
師傅仲透露今年七月佢哋會搬到去銅鑼灣，一個2000-3000尺舖位，有VIP 房添！好期待新鋪開張！
(以上食評乃用戶個人意見 , 並不代表OpenRice之觀點。)
張貼
