影片
更多
2012-10-22
152 瀏覽
滿心期待，今晚一家人訂左位黎食本年度第一餐大閘蟹餐往年我地去開東海，鴻星o個 d 度食，今年搬左黎沙田，媽媽經過見到呢間酒家有大閘蟹餐，$168有兩隻蟹睇落幾抵食，又見係富臨集團應該唔差，於是黎試下佢點知，大閘蟹無食到，四位比左$448, 食到一肚氣！首先，酒樓食大閘蟹，有乜可能係所有小菜到齊都未有蟹食？一般都係食左大閘蟹先，到咁上下先起埋其他野家嘛，我地叫左三個大閘蟹餐，每樣小菜佢三位放埋一碟上，好求其咁，咁都算喇，我地連另外叫o既$1雞都食晒清晒成檯野，d 送難食都用薑蓉撈晒 d 飯黎食，都仲未有蟹食叫人幫我地跟，d 阿姐又叫我地等等，嗌人叫部長黎，佢又係搵個阿姐過黎,終於都有人答我地，要等多五分鐘其實呢次已經係催左三四次先有o既答覆，仲要好hea咁食晒野坐左半個鐘再等多兩個五分鐘，其它檯都有蟹喇都仲未到我地，呢個時候我地已經嬲到震喇！唔想食喇於是我爸爸走去搵左個西裝部長黎鬧，但佢都毫不在乎我爸直程叫佢取消左d 蟹佢，叫部長淨係計下嗰幾碟送幾錢部長完全係愛理不理，淨係識話無理由喎咁耐都未上？我地緊係覺得無理由兼忍無可忍先會搵著你黎嘈啦，佢最後係同我地從個餐度減返兩隻大閘蟹o既嘅錢囉
滿心期待，今晚一家人訂左位黎食本年度第一餐大閘蟹餐往年我地去開東海，鴻星o個 d 度食，今年搬左黎沙田，
媽媽經過見到呢間酒家有大閘蟹餐，$168有兩隻蟹
睇落幾抵食，又見係富臨集團應該唔差，於是黎試下佢點知，大閘蟹無食到，四位比左$448, 食到一肚氣！
首先，酒樓食大閘蟹，有乜可能係所有小菜到齊都未有蟹食？
一般都係食左大閘蟹先，到咁上下先起埋其他野家嘛，
我地叫左三個大閘蟹餐，每樣小菜佢三位放埋一碟上，
好求其咁，咁都算喇，我地連另外叫o既$1雞都食晒
清晒成檯野，d 送難食都用薑蓉撈晒 d 飯黎食，都仲未有蟹食
叫人幫我地跟，d 阿姐又叫我地等等，嗌人叫部長黎，佢又係搵個阿姐過黎,終於都有人答我地，要等多五分鐘
其實呢次已經係催左三四次先有o既答覆，仲要好hea咁
食晒野坐左半個鐘再等多兩個五分鐘，其它檯都有蟹喇
都仲未到我地，呢個時候我地已經嬲到震喇！唔想食喇
於是我爸爸走去搵左個西裝部長黎鬧，但佢都毫不在乎
我爸直程叫佢取消左d 蟹佢，叫部長淨係計下嗰幾碟送幾錢
部長完全係愛理不理，淨係識話無理由喎咁耐都未上？
我地緊係覺得無理由兼忍無可忍先會搵著你黎嘈啦，
佢最後係同我地從個餐度減返兩隻大閘蟹o既嘅錢囉，
$28一隻，減返六隻蟹，加埋隻$1雞，兩個白飯，收$448
真係火都黎！佢話啲大閘蟹係賣緊$28隻咁樣計就 arm 喇喎，
嘩！咁佢呢個所以超值大閘蟹餐真係極之難笨囉！
我地基本上真係靠隻$1雞先食到飯，個餐 d 送如下：
1. 皇室焗釀元貝
~ 睇落係新鮮焗起咁樣 , 但食落係連最中心都唔熱o既側邊薯蓉係最好味o家喇 , 中間o個度真係唔係幾知咩黎o既
口感係一 pat 野 , 見到有 d 菇粒 , 蟹柳 , 元貝係講個殼掛味道似好淡好淡o既葡汁 , 輕輕有 d 椰味 , 感覺好馬虎
2. 菊花五蛇羹
~ o係酒家食蛇羹 , 一向都無乜保證 , 所以要求都唔會高但呢碗野杰到好似未溶晒生粉水咁有一團團o者喱水咁
全部都係廋肉絲 , 食唔到有蛇 , 味道更係碗仔翅都不如唯一叻在有足料o既果皮 , 但係重味到越食越苦 ,
諗住加 d 薄脆咸咸地會易入口 d 啦 , 但竟然係無南乳味o既
3. 枝竹扣羊腩
~ 我唔食羊o既 , 但羊腩煲o個 d 配料我會食 , 呢碟野睇落好似羊腩煲 , 但就一潭死水浸住晒咁上枱
味道好似蠔油咁 , 無羊腩煲o個種惹味同羊羶味 ,
但又無炆野o個種濃香入味 , 羊腩睇落好軟腍 ,
細佬話一排排肋骨咁o個 d 位係最好食 , 可惜呢碟野
真係整得好淡味 , 冬菇 , 枝竹呢 d 咁索味o既配料
都可以食落去係清到好似羅漢齋, 馬蹄仲係爛o既添 @@"d 竹筍切到一舊舊咁 , 一陣臭荀味 , 真係唔知食邊樣好
成個餐理應最能夠拌飯o既羊腩 , 卻毫不引起食慾 ....
4. 鮑汁灼時蔬
~ 生菜欠新鮮 , 過淋而且睇相都見到連面o個 d 都黃o既鮑汁好可怕 , 生菜置中後一邊係水一邊係鮑汁 , 強烈對比
因為 d 汁係好似漿糊咁 , 仲有一片琼左 d "衣" o係面 ,
咁唔均勻都算喇, 自己撈勻佢黎食喇 , 但仍然係好糊口,
味道同樣係食完都唔知o個 d 係鮑汁o個種 , 寧願佢落豉油
5. 飄香桂花糕
~ 個餐包埋o既甜品 , 我地埋單先醒起 , 即刻叫阿姐上返 , 唔使洩得咁貼地丫嘛 , 不過都唔係幾好食 , 好甜 ....
無乜桂花香 , 同埋用o者喱粉黎整 , 係無咁好味o家
6. $ 1 巧製三黃雞
~ $ 1 雞係成晚第一樣上枱o既 , 確實有成隻雞 , 係幾抵食質素都唔差 , 皮嫩肉滑 , 淋上蒸魚豉油 , 非常鮮味 ,
估唔到配以切雞都幾好食喎 , 由其加埋d 蔥絲一齊食
薑蓉就反而無乜薑味 , 似蔥油多 d , 不過佢都有佢一番作為
就係後期我地無送好食 , 雞又得返頭尾 , 就用左佢黎撈飯食喇
## 呢間油家即使再做幾多特價優惠 , 都挽救不了 ...
服務態度差到令我地唔願花唇舌去催唔願花時間去等
等一樣我地今晚滿心歡喜主打要黎品嚐o既大閘蟹 ,
如果大家 EQ 高之餘有大把時間等佢個幾鐘蒸蟹o既 ,
都可以試下o既 , 我見人地枱o個 d 都真係唔算好細隻
不過我地一家就絕對唔會再比機會佢 , 唔會再幫襯囉 !!
張貼
