影片
更多
2010-12-10
47 瀏覽
萬豪除左中菜廳之外,經過今次都試過晒喇...5樓的cafe...加州廳既印象都非常好所以今次都抱住期待既心情來..不過都知道價錢差好多所以一定唔會好過上面..點都好今日有二人同行一人免費優惠(點解會有唔係好知),於是就來陪媽媽一齊食佢既生日飯...第一次來到G/F 行入去AREA俾想像中大..而且樓底比5/F的高...落地玻璃盡在眼前,陽光更是直射入室. 幸好今日陽光唔太猛否則都幾辛苦下... 服務員安排了3人位俾我地,可能見我地拿住好多野..冇計喇就聖誕...要去掃貨..而我只是做苦力... 坐了係一個大櫃旁邊,個櫃都幾高下,睇落去好震撼,上面放住一樽樽茶/粉 唔同味的!!行上旁邊樓梯就係食野既地方...總共來講分開 4邊Setting, 日式野,頭盤,甜品,同中間核心位的主菜! 先睇日式部,有三文魚 赤貝刺身 同幾款壽司 (鰻魚,三文魚卷,腐皮)當中赤貝刺身非常新鮮...值得再食..另外冷麵放了3種麵,原味,喬麥麵,綠茶麵...豉油自己另外加上..當中本人覺得喬麥麵最好味!! 而沙律吧我就冇咩興趣所以附相吧!頭盤部當然有煙三文魚,意大利火腿,芝士餅乾,但一堆乾果等...想要的還要麵
所以今次都抱住期待既心情來..不過都知道價錢差好多所以一定唔會好過上面..
點都好今日有二人同行一人免費優惠(點解會有唔係好知),於是就來陪媽媽一齊食
佢既生日飯...
第一次來到G/F 行入去AREA俾想像中大..而且樓底比5/F的高...落地玻璃盡在眼前,
陽光更是直射入室. 幸好今日陽光唔太猛否則都幾辛苦下... 服務員安排了3人位俾
我地,可能見我地拿住好多野..冇計喇就聖誕...要去掃貨..而我只是做苦力... 坐了係
一個大櫃旁邊,個櫃都幾高下,睇落去好震撼,上面放住一樽樽茶/粉 唔同味的!!
行上旁邊樓梯就係食野既地方...總共來講分開 4邊Setting, 日式野,頭盤,甜品,同中
間核心位的主菜! 先睇日式部,有三文魚 赤貝刺身 同幾款壽司 (鰻魚,三文魚卷,腐皮)
當中赤貝刺身非常新鮮...值得再食..另外冷麵放了3種麵,原味,喬麥麵,綠茶麵...豉油
自己另外加上..當中本人覺得喬麥麵最好味!! 而沙律吧我就冇咩興趣所以附相吧!
頭盤部當然有煙三文魚,意大利火腿,芝士餅乾,但一堆乾果等...想要的還要麵包......
煙三文魚當中比較好味..鹹淡得宜..而且唔太漏,加少少檸檬汁=人生一樂也...另外
麵包加了自己切好的芝士,再加少少醬係上面都好好味 (本人加了酸忌廉) 不過款式
的確係有點少...乾果就有,提子乾,西莓乾..香蕉乾..還有不記得了...
終於輪到主菜部...首先給我發現的竟然是一個個大蒸籠...入面竟然是平時飲茶大家
都會食既點心, 分別有,干蒸燒賣,山竹牛肉,鮮竹卷,燸米雞..而旁邊的主菜盤入面還有
一樣那就是 金錢肚... 咁多野入面唔知點解覺得個金錢肚特別好食..食完又再食..其他
老實講都唔錯,燒賣彈牙爽口,燸米雞就有少少淋..飯好似有少少糊...但都算ok!
而其他主菜就有 煎鱈魚,鴨胸(後來換了雞翼),煙豬柳,炒麵...幾樣老實講冇之前既好食
但反面佢整粥個面就有d睇頭...有幾盤料托高左方便睇..有雞肉,帶子,三文魚,鹹蛋皮蛋
自己夾好料俾師傅就會跟你d料多少而俾唔同份量既粥..更可以自己加蔥花,同脆片~!
最後甜品..有3隻味既haagen-dazs 雪糕(雲呢拿,咖啡,巧克力)全部係迷你裝,另外都有
布丁,蛋糕...同芝士蛋糕 cookies等..而有個夾心蛋糕比較好味..中間有d草莓混合物幾
好味..反而芝士蛋糕真係一件起2件止..太漏了..
另外旁邊有個pancake地方..選好料師傅會幫你整...我算了香蕉,芒果..過一陣師傅就整
好..但點知個芒果超級酸...食左一口已經頂唔順...
整個環境格調非常ok,一邊食一邊坐係沙發椅子上..真係好容易令人入睡...而窗外的微
光照入內只令我睡意更濃,由於有3小時所以真係可以慢慢坐慢慢食 食完又食...但一邊
食又有點兒口乾,於是便提前叫了餐飲..媽媽叫了cuppuccino,我就叫了凍飲. 本身想叫
青檸菠蘿茶,但後來話冇貨..於是改叫了藍莓橙茶...2杯都比想像中好飲...但個凍飲..一
到時見冇糖漿已經覺得怪..點知一飲...冇味..後來同服務生講 原來頭先俾野飲既侍應
係實習生..所以有點兒錯漏..之後俾番糖漿好好多...
其實整體服務ok,只不過實習生真係可能未習慣...所以落單就漏單..飲品整好時 又唔會主
動交俾客人..什至之前落飲品order時,連原料缺乏也不知道~~! 希望會改善啦! 但整體來講
今日算唔錯..特別因為 buy1 get 1 free! 最後再送上幾張自家堆砌既食物相!
張貼
