大川滬 (已結業)

睇住日落食晚飯1)大川滬老火湯 (每日不同)💓季節性湯水💓今晚係合掌瓜紅蘿蔔粟米煲豬骨，老火湯好滋潤。2)酸辣湯 老師傅保存番以前嘅味道，佢嘅酸辣師傅調配恰當，加入埋蝦、木耳、筍絲、肉絲，唔太酸同辣，一家大少都啱飲。3)韭黄鱔糊 韭黃同銀芽加埋好嫩嘅鱔(鱔絲切得好粗)👍濃味嘅餸配白飯就正啦⋯⋯💓大川滬好多素食菜💓啱晒素食朋友💓4)我揀左👉蒸素菜包3隻包皮係師傅自己搓，所以蒸出嚟好鬆軟，素菜包入面有切碎的東菇粒，連菜也切到好碎，所以素菜包好入味好食。5)肉絲兩面黃 麵質鬆脆，除咗肉絲韭黃兩面黃之外(麵身幼炸得好脆，所以食到尾都重係脆)佢哋羅漢齋兩面黃都好出色。6)薑茶湯圓/丸子 湯丸皮係師父自己搓，所以好煙韌，聞到薑湯好香薑味，飲落有薑嘅辣，飲完喉嚨都好舒服。