相馬日式火鍋 (已結業)

今日勁凍，收工先知原來公司附近有呢間相馬，有晚市2個鐘既火鍋放題，一定要試下啦！夠多人既我地一試試佐兩個湯，甜豉油同中華辣湯，甜豉油相對清淡啲健康啲😌咸味入面會食到微微甜味，愈煮愈濃味，正；中華辣湯就夠晒辣🥵大大隻辣椒係湯入面，深紅色既湯底充滿炒香既辣椒既香味，正呀！呢度既肉就全辣都好吸引，特選美國牛肩胛好腍好夠味，雪花紋岩岩好😗優質豚肉好重豬既香味，完全唔騷，又嫩😙優質雞腿肉好厚肉，啲肉好結實，煙韌好食😚海解黎講呢度都好多款，海蝦夠晒新解彈牙，蜆好新鮮爽口，花螺都好鮮味，好爽脆，連生蠔都有，好大隻好鮮🥰仲有仲有任食既日式炸物，炸午餐肉，炸蝦多士呢啲都好正，即炸即食，好香口好惹味！