華嫂冰室 (已搬遷) 新店位置

晏咗起身，之前聽朋友介紹過好多次話正，試吓打的過嚟試吓，冇開就原車返出元朗囉！當新春行大運，碰吓運氣！嚟到3點幾，唔洗排隊🤣我食招牌菠蘿包，瑞士雞亦出前一丁，茶走。。。平時最怕嗰舊鮮油，呢度舊牛油唔太厚，啱啱好！菠蘿包100分！外脆內軟、暖暖地，裡面啲蕃茄旦嘅旦炒得好滑！真係好好食！ 出前一丁100分！煮得夠透得嚟唔會太腍！茶走夠滑，茶偏濃唔會搶晒啲奶味，85分佢食咸牛肉芝士旦多士，加一份豬扒，茶走多士90分，咸牛肉好足料，芝士旦爆漿，豬扒腍又入夠入味，魚餅又香又好食！瑞士雞亦好入味肉冇梅！食到7788，研究吓點搭車返出元朗，華嫂坐喺隔離枱吹水，聽到就好好咁教我哋搭輕鐵、巴士過元朗，仲教我哋，如果想知有冇開，呢度冇電話，可以打電話去觀塘問吓元朗有冇開先過嚟！極好人！