舍利鮨 (已結業)

元朗愈黎愈多好野食，今次聽住元朗既朋友介紹舍利鮨既 omakase，聽講性價比好高。黎到佢裝修好新，顏色用左好多muji既木顏色，相對溫和比人有種舒服既感覺，對於有要求既朋友一定鍾意。前菜係天婦羅避風塘白紙配白粟米，聽左個名都覺得好特別，而且白粟米好少機會食，而且開胃有種解油膩既感覺。趁食完仲有少少記憶，食左天然九繪魚、伊佐目、干瓢卷、白象拔蚌、鰆魚，都係相對特別，魚味都好重同新鮮，我個人就好鍾意象拔蚌口感，非常爽口。另外，第一次試甜蝦配蝦膏呢個配搭，好突出到蝦膏既鮮甜味。