Yadllie Plate 야들리애플래이트 (兆萬中心)

今日好青春咁去到旺角東兆萬上面食野，book左間炸雞同男朋友食，唔好睇少呢間炸雞鋪，果日星期六好多人上黎walk-in都冇位，比人book到full曬。入坐好快手咁睇左睇Menu，黎到梗係要食炸雞啦，而炸雞梗係要食下啲有骨嫁啦，所以我地叫左一份炸雞，再叫左個小食同埋湯鍋。黃金蒜香炸雞 (跟薯條+泡菜) $158炸雞一共有8件，加上成盤薯條好好食，配菜仲有泡菜同埋蘿蔔，炸雞入面好嫩滑多汁，外而唔算好脆，不過蒜香汁好惹味。韓燒腩串 (跟沙律菜+洋蔥圈) $158燒腩串上枱個陣真係嚇一跳，好似好肥膩咁，而且咁多唔知兩個人食唔食得曬，不過一舊肉配一舊fresh菠蘿，又真係中和曬啲肥膩感，而且最有驚喜係個沙律。呢個係柚子汁沙律，勁fresh，成餐飯唯一嘅菜。醬油魚介湯鍋 $208湯鍋好食到癲左，勁入味，而且我勁中意食韓式魚糕，不過勁大份，好彩男朋友係到包底。男朋友表示食到最後加埋個麵落去，唔洗落調味粉，超好食勁滿足。西柚 Mocktail $118西柚tonic嘅配搭，好正。西柚生啤 $68值得一試，好似飲緊果汁咁。