十二味巴蜀江湖菜 (已結業)

想食辣野莫過於食四川菜！江湖人食江湖菜，入到餐廳好多好有霸氣嘅食客，不禁被佢地嘅霸氣震懾到！功夫紅油抄手$56有五隻抄手，睇落唔辣，但抄手下面係一大盆辣椒同辣椒醬，辣椒醬香味十足，抄手味道唔重，被辣椒醬完全搶味。黯然銷魂炒飯$88炒飯粒粒分明，好大碟炒飯，而且配料算多，有蔥花、蝦仁等，唔會過咸過油，有少少嘅辣味，味道十分不錯！呢個價錢幾扺！成都李莊白肉$78塊數唔算好多，但塊塊都大大片，十分爽口！辣椒味唔重，屬微辣，配上好多嘅小蒜粒，不失為一個開胃前菜。寬窄巷子砵砵雞$108凍食。雞件每舊雞肉都十分嫩滑，滲在一大盆紅色辣椒油上。初初食一兩啖冇野，後勁嘅辣味先最正！好香嘅辣油味，係會追住食果種！重慶豆腐魚頭$158好大煲野！氣勢已經攞晒彩！但係我唔係太識食魚頭，由唯有交比朋友解決！鍋下面一直翻熱緊，湯愈黎愈濃，豆腐十分滑，加上芽菜吸晒辣油味，辣得過癮又好食呢！呢到收費合理，可以話都幾平，雖然有啲逼，但服務態度很不錯，食物質素亦幾好。