影片
更多
2005-06-21
11 瀏覽
六月十號我女友生日, 左揀右揀之後就揀左呢度同佢慶祝…主理人Sue 都好細心, 當佢知道我之前一晚開工開通宵之後即刻整杯花棋蔘茶俾我, 讚! 仲有Sue 準備果張生日咭, 我女友見到開心哂~ 講番當晚食品先:1)女人的心( 南瓜蕃茄冷熱湯) –呢個好有心思~ 南瓜湯D味好濃! D蒜蓉飽好脆口又夠香呀2)香煎鵝肝配魚子醬–呢個份量足; 但嫌鵝肝唔夠脆口同入口即溶; 伴碟水果以蘋果較好~~ 火龍果個口感始終綿左D 3)意式黑醋墨魚沙律–我好鍾意呢個! 醋夠酸墨魚夠脆同新鮮! 4)香醬焗青口–唔錯~~ 5)脆皮鴨配紅酒汁或香草燴羊膝–呢兩個main course 大到呢…兩個都係水準之作, 尤其係個鴨, 個汁好得呀! D肉厚身但又好易切, 肉味夠濃! 羊膝都好滑好嫩, So味不重…鐘意濃味朋友要留意啦6)田螺燴尖通粉–食到呢個果陣飽到上心口….7)甜品:火焰雪山–當埋生日蛋糕, 又有得當燭吹~~8)清香花茶–我女友最欣賞呢個安排…真係消滯總結成餐…氣氛好好(Sue仲幫我收埋份禮物俾個Surprise 我女友), 相對個價錢, 分量真係好大…不過我都食哂, keke…. 味道亦冇
講番當晚食品先:
1)女人的心( 南瓜蕃茄冷熱湯) –呢個好有心思~ 南瓜湯D味好濃! D蒜蓉飽好脆口又夠香呀
2)香煎鵝肝配魚子醬–呢個份量足; 但嫌鵝肝唔夠脆口同入口即溶; 伴碟水果以蘋果較好~~ 火龍果個口感始終綿左D
3)意式黑醋墨魚沙律–我好鍾意呢個! 醋夠酸墨魚夠脆同新鮮!
4)香醬焗青口–唔錯~~
5)脆皮鴨配紅酒汁或香草燴羊膝–呢兩個main course 大到呢…兩個都係水準之作, 尤其係個鴨, 個汁好得呀! D肉厚身但又好易切, 肉味夠濃! 羊膝都好滑好嫩, So味不重…鐘意濃味朋友要留意啦
6)田螺燴尖通粉–食到呢個果陣飽到上心口….
7)甜品:火焰雪山–當埋生日蛋糕, 又有得當燭吹~~
8)清香花茶–我女友最欣賞呢個安排…真係消滯
總結成餐…氣氛好好(Sue仲幫我收埋份禮物俾個Surprise 我女友), 相對個價錢, 分量真係好大…不過我都食哂, keke…. 味道亦冇交行貨! 水準以上呀! . 對於呢餐我同我女友非常開心~~~
張貼