孖啡

營業中

休息中

話說我同男友都鍾意玩board game，第一次出街就係去樓上cafe，所以周不時都會物色下平靚正的樓上cafe龍蝦湯 跟餐$28龍蝦湯好濃郁，味道偏甜明太子鮮蝦意粉 $136特別推薦呢碟！明太子鹹辣有口感，蝦好新鮮爽彈，意粉唔會煮得太淋，擠幾滴檸檬汁，味道清新有層次！帆立貝牛肝菌意大利飯 $138帆立貝又多又大粒，菇都好鮮味，意大利飯creamy，但偏軟。嘢飲跟餐$38以上補差價，所以每杯$10，我揀左薄荷青蘋果梳打，而男友話諗唔到飲咩所以揀黑牛，但10成9係佢想飲可樂！現場有唔少board game可以玩，我同男友玩左兩鋪鋤dee，同玩左好耐冇玩的魔力橋，開心開心！