Oliver's Super Sandwiches (已結業)

假期早餐又去左幫襯super sandwiches, 今次有新menu推出, 有新野揀下都唔錯。B18 鹹牛肉露筍炒蛋、 豬肉腸、 炒薯仔粒、 烤蕃茄、 多士配熱茶 $38 鹹牛肉加落炒蛋度味道又幾唔錯, 加埋爽口露筍, 呢個配搭都幾好。 不過炒薯仔得個5粒, 少左dd, 豬肉腸係現成煎香, 唔太特別, 反而蕃茄就好juicy下。 多士用左意大利包, 比平時塊麥包多士鬆軟又好食d。B10 炒蛋、 煙肉、 豬肉腸、烤蕃茄和窩夫配熱咖啡 $35 因為呢個餐有窩夫所以先揀, 其他早餐要轉窩夫就要加錢, 感覺唔太抵。 得半塊窩夫唔係好夠喉, 外層都女5算脆, 但內裡唔夠鬆軟濕潤, 加左糖漿叫好食d。 炒蛋熟左d, 煙肉煎得燶左小小有d乾, 整體屬一般。因為假日好多人食早餐, 每張檯幾乎都有人等位, 可能要疏導人流, 樓面好心急要收碟, 食都未食完就問仲要唔要, 見你飲淨杯野就乜鬼都收走晒, 搞到要問店員擰多個膠杯蓋先可以擰杯野飲走, 好唔環保! 食到趕頭趕命咁, 好唔舒服。