影片
更多
2024-06-03
10 瀏覽
最近同朋友去咗一間新發現嘅火鍋店，叫做阿爺八鮮鍋。 首先一坐低，佢地就介紹個超值優惠，只要喺社交平台上like同share佢哋嘅post，就可以免費獲得一份刺身拼盤，我同個朋友梗係嗱嗱聲做啦。而個刺身，有大赤蝦、北寄貝、希靈魚、煙三文魚、芝麻海蜇，全部都係新鮮到不得了，真係一流。係未上雞煲之前，呢度仲有時令燉湯，可以即飲，真係非常貼心。而我哋先食咗佢哋嘅雞煲。雞煲有3種選擇，我地就揀左麻辣雞煲，始終覺得最傳統味道，係最惹味，同最好食。食完雞煲之後就到今日主角任食火鍋，我地特別係揀左佢哋嘅冬瓜魚翅花膠湯底，湯底清甜，既滋補又美味。仲有，佢會每枱送個海鮮拼盤，有大虎蝦、龍蝦、生蠔、大元貝、奄仔蟹、鮑魚，海鮮拼盤都好新鮮，肉都夠晒實淨。另外，火鍋配料任食選擇真係多到數唔晒，仲有其他海鮮可以任你食，好似蝦、蟹、貝類同魚，都一樣新鮮，好味。仲有，唔能夠唔提佢地自家手打丸類，如魚丸、蝦滑等，口感彈牙，味道獨特，食落每一啖都係師傅心血嘅結晶。同時，佢哋仲有各式各樣火鍋配料必備豬牛雞肉、菜，自問都係大胃王，好味道都係咁喪食，但都未試食晒所有配料。我特別中意佢地個招牌紫菜響鈴，同埋安格斯牛肉，個響鈴夠晒
係未上雞煲之前，呢度仲有時令燉湯，可以即飲，真係非常貼心。
而我哋先食咗佢哋嘅雞煲。雞煲有3種選擇，我地就揀左麻辣雞煲，始終覺得最傳統味道，係最惹味，同最好食。
食完雞煲之後就到今日主角任食火鍋，我地特別係揀左佢哋嘅冬瓜魚翅花膠湯底，湯底清甜，既滋補又美味。
仲有，佢會每枱送個海鮮拼盤，有大虎蝦、龍蝦、生蠔、大元貝、奄仔蟹、鮑魚，海鮮拼盤都好新鮮，肉都夠晒實淨。另外，火鍋配料任食選擇真係多到數唔晒，仲有其他海鮮可以任你食，好似蝦、蟹、貝類同魚，都一樣新鮮，好味。
仲有，唔能夠唔提佢地自家手打丸類，如魚丸、蝦滑等，口感彈牙，味道獨特，食落每一啖都係師傅心血嘅結晶。同時，佢哋仲有各式各樣火鍋配料必備豬牛雞肉、菜，自問都係大胃王，好味道都係咁喪食，但都未試食晒所有配料。
我特別中意佢地個招牌紫菜響鈴，同埋安格斯牛肉，個響鈴夠晒脆身，紫菜味又突出，好岩淥一淥個湯底即食。而安格斯牛肉夠晒牛味，淥8-10秒，就可以食到牛個鮮味，蘸埋自己調配醬，天衣無縫。
今晚可以話係大滿足，又可以試到雞煲，又有刺身食下，仲有火鍋任食。下次可以再屋企人黎。
張貼
